კონფიდენციალურობის პოლიტიკა

ბოლო განახლება: 14 აგვისტო, 2026

წინამდებარე კონფიდენციალურობის პოლიტიკა აღწერს, თუ როგორ აგროვებს, იყენებს და ამჟღავნებს GT Foods LLC („კომპანია”, „ჩვენ”) თქვენს პერსონალურ მონაცემებს, როდესაც სტუმრობთ, სარგებლობთ ან შესყიდვას ახორციელებთ ჩვენს ვებსაიტებზე lazysnark.ge და lazysnarkadventure.com (ერთობლივად − „საიტები”), მათ შორის ბაზრობებზე, ფესტივალებსა და სხვა ღონისძიებებზე პირადად განხორციელებული შესყიდვების დროს, ან სხვაგვარად გვიკავშირდებით (ერთობლივად − „სერვისები”). წინამდებარე პოლიტიკის მიზნებისთვის „თქვენ” აღნიშნავს სერვისების ნებისმიერ მომხმარებელს — მომხმარებელს, ვებსაიტის სტუმარს ან ნებისმიერ სხვა ფიზიკურ პირს, რომლის მონაცემებიც შეგროვებულია წინამდებარე პოლიტიკის შესაბამისად.

გთხოვთ, ყურადღებით გაეცნოთ წინამდებარე კონფიდენციალურობის პოლიტიკას. სერვისებით სარგებლობით თქვენ ეთანხმებით თქვენი მონაცემების შეგროვებას, გამოყენებასა და გამჟღავნებას წინამდებარე პოლიტიკის შესაბამისად. თუ არ ეთანხმებით წინამდებარე პოლიტიკას, გთხოვთ, არ ისარგებლოთ სერვისებით.

წინამდებარე პოლიტიკა ხელმისაწვდომია ქართულ, ინგლისურ და რუსულ ენებზე. პოლიტიკის ორიგინალი და სამართლებრივად სავალდებულო ენაა ქართული, „პერსონალურ მონაცემთა დაცვის შესახებ” საქართველოს კანონის შესაბამისად, რომელიც მონაცემთა სუბიექტისთვის ინფორმაციის მიწოდებას სახელმწიფო ენაზე ითვალისწინებს. ენობრივ ვერსიებს შორის წინააღმდეგობის შემთხვევაში უპირატესობა ენიჭება ქართულ ვერსიას.

წინამდებარე პოლიტიკა შედგენილია „პერსონალურ მონაცემთა დაცვის შესახებ” საქართველოს კანონის (ცვლილებებით) შესაბამისად. სადაც საქართველოს კანონმდებლობა კონკრეტულ მითითებას არ იძლევა, ჩვენ ვეყრდნობით ევროკავშირის მონაცემთა დაცვის ზოგადი რეგულაციის (GDPR) პრინციპებს, დამატებით ორიენტირად.

1. ჩვენი მიდგომა თქვენი მონაცემების მიმართ

ჩვენ ვიცავთ მონაცემთა მინიმიზაციის პრინციპს: ვაგროვებთ მხოლოდ იმ პერსონალურ მონაცემებს, რომლებიც გონივრულად აუცილებელია ჩვენი პროდუქტებისა და სერვისების მისაწოდებლად, და არ ვითხოვთ ინფორმაციას, რომელიც კონკრეტული მიზნისთვის საჭირო არ არის. თუ რომელიმე ფუნქცია არასავალდებულოა, არასავალდებულოა შესაბამისი მონაცემის მოწოდებაც.

2. ცვლილებები წინამდებარე პოლიტიკაში

ჩვენ შეგვიძლია დროდადრო განვაახლოთ წინამდებარე კონფიდენციალურობის პოლიტიკა, მათ შორის, ჩვენი პრაქტიკის ცვლილების ან სხვა საოპერაციო, სამართლებრივი ან მარეგულირებელი მიზეზების გამო. განახლებულ პოლიტიკას განვათავსებთ საიტებზე და განვაახლებთ „ბოლო განახლების” თარიღს.

3. რა პერსონალურ მონაცემებს ვაგროვებთ

თქვენს შესახებ შეგროვებული მონაცემების კატეგორია დამოკიდებულია იმაზე, თუ როგორ სარგებლობთ ჩვენი საიტებითა და სერვისებით.

მონაცემები, რომლებსაც პირდაპირ გვაწვდით, მათ შორის:

ძირითადი საკონტაქტო ინფორმაცია — სახელი, მისამართი, ტელეფონის ნომერი, ელექტრონული ფოსტის მისამართი.
შეკვეთის ინფორმაცია — სახელი, გადახდის მისამართი, მიწოდების მისამართი, გადახდის დადასტურება, ელექტრონული ფოსტის მისამართი, ტელეფონის ნომერი.
ანგარიშის ინფორმაცია — მომხმარებლის სახელი და პაროლი.
შოპინგის ინფორმაცია — პროდუქტები, რომლებსაც ათვალიერებთ, კალათაში ან სასურველ პროდუქტთა სიაში ამატებთ.
მომხმარებელთა მხარდაჭერის ინფორმაცია — ინფორმაცია, რომელსაც ჩვენთვის მიმართვისას ან შეტყობინების გაგზავნისას თავად გვიზიარებთ.

სერვისების ზოგიერთი ფუნქცია მოითხოვს გარკვეული მონაცემების პირდაპირ მოწოდებას. თქვენ შეგიძლიათ, არ მოგვაწოდოთ ეს მონაცემები, თუმცა ამან შესაძლოა შეუძლებელი გახადოს შესაბამისი ფუნქციით სარგებლობა.

ჩვენ არ ვაგროვებთ და არ ვამუშავებთ თქვენს შესახებ განსაკუთრებული კატეგორიის მონაცემებს (მაგალითად, ჯანმრთელობასთან, რელიგიურ ან პოლიტიკურ შეხედულებებთან ან ბიომეტრიულ მონაცემებთან დაკავშირებულ ინფორმაციას), თუ თქვენ თავად ნებაყოფლობით არ გვიზიარებთ ამგვარ ინფორმაციას (მაგალითად, ალერგიის შესახებ შენიშვნას შეკვეთის კომენტარში). ასეთ შემთხვევაში, ამ მონაცემებს ვამუშავებთ მხოლოდ იმ მიზნით, რომლისთვისაც გვიზიარეთ, კანონით დადგენილი დამატებითი გარანტიების დაცვით.

მონაცემები, რომლებსაც Cookie-ების საშუალებით ვაგროვებთ — იხილეთ მე-6 ნაწილი ქვემოთ.

მონაცემები, რომლებსაც მესამე პირებისგან ვიღებთ, მათ შორის:

მომწოდებლები და მომსახურების პროვაიდერები, რომლებიც ჩვენს საიტებსა და სერვისებს უზრუნველყოფენ, მაგალითად, ჩვენი ვებსაიტის პლატფორმა (WooCommerce) და ჰოსტინგის პროვაიდერი.
ჩვენი გადახდის პროვაიდერები, რომლებიც აგროვებენ გადახდის მონაცემებს (მაგ. საბანკო ანგარიშის, ბარათის მონაცემები, გადახდის მისამართი) თქვენი გადახდისა და შეკვეთის შესასრულებლად.

მესამე პირებისგან მიღებულ ნებისმიერ მონაცემს ვამუშავებთ წინამდებარე პოლიტიკის შესაბამისად. ჩვენ პასუხს არ ვაგებთ მესამე პირების მიერ მოწოდებული ინფორმაციის სიზუსტეზე, არც მათ საკუთარ კონფიდენციალურობის პრაქტიკაზე — იხილეთ მე-10 ნაწილი ქვემოთ.

4. როგორ ვიყენებთ თქვენს პერსონალურ მონაცემებს

ჩვენ თქვენს პერსონალურ მონაცემებს ვამუშავებთ მხოლოდ მაშინ, როდესაც არსებობს ამისთვის საქართველოს კანონმდებლობით გათვალისწინებული საფუძველი — ჩვეულებრივ, ეს არის ჩვენ შორის დადებული ხელშეკრულების შესრულების აუცილებლობა, თქვენი თანხმობა, ჩვენი ლეგიტიმური ინტერესი, რომელიც არ აჭარბებს თქვენს უფლებებს, ან კანონით დაკისრებული ვალდებულება. კერძოდ:

პროდუქტებისა და სერვისების მიწოდება — გადახდების დამუშავება, შეკვეთების შესრულება, შეკვეთასა და ანგარიშთან დაკავშირებული შეტყობინებების გაგზავნა, თქვენი ანგარიშის მართვა, მიწოდების ორგანიზება, დაბრუნებისა და გაცვლის უზრუნველყოფა. საფუძველი: ჩვენ შორის დადებული ხელშეკრულების შესრულება.
მარკეტინგი და რეკლამა — მარკეტინგული, სარეკლამო ან სააქციო შეტყობინებების გაგზავნა. საფუძველი: თქვენი თანხმობა. მარკეტინგულ შეტყობინებებს ვგზავნით მხოლოდ თანხმობის არსებობის შემთხვევაში, ხოლო თანხმობის გამოხმობა შესაძლებელია ნებისმიერ დროს — იხილეთ მე-5 ნაწილი.
უსაფრთხოება და თაღლითობის პრევენცია — სავარაუდო თაღლითური, უკანონო ან მავნე მოქმედების გამოვლენა, გამოძიება და შესაბამისი რეაგირება. საფუძველი: ჩვენი ლეგიტიმური ინტერესი, დავიცვათ სერვისებისა და თქვენი ანგარიშის უსაფრთხოება, ხოლო შესაბამის შემთხვევაში − კანონისმიერი ვალდებულების შესრულება.
მომხმარებელთა მხარდაჭერა და სერვისების გაუმჯობესება — თქვენთვის პასუხის გაცემა და ჩვენს შორის ურთიერთობის შენარჩუნება. საფუძველი: ჩვენი ლეგიტიმური ინტერესი, ვიყოთ სწრაფი და ეფექტიანი.
ბუღალტრული აღრიცხვა და საგადასახადო შესაბამისობა — ინვოისების გამოწერა და საბუღალტრო/საგადასახადო ვალდებულებების შესრულება. საფუძველი: კანონისმიერი ვალდებულება.

5. მარკეტინგული პრეფერენციების მართვა

თუ გამოწერილი გაქვთ ჩვენი სიახლეების გამოწერა (newsletter) ან სხვა მარკეტინგული შეტყობინებები, შეგიძლიათ ნებისმიერ დროს, უსასყიდლოდ და მიზეზის მითითების გარეშე გააუქმოთ გამოწერა:

ყოველ მარკეტინგულ წერილში არსებული გამოწერის გაუქმების ბმულის საშუალებით, ან
ხელით, ანგარიშის პარამეტრებში, ჩემი ანგარიშის (My Account) გვერდზე.

გამოწერის გაუქმების შემდეგ ჩვენ ვწყვეტთ მარკეტინგული შეტყობინებების გაგზავნას, თუმცა შესაძლოა კვლავ გამოგიგზავნოთ არასარეკლამო ხასიათის შეტყობინებები, რომლებიც თქვენს ანგარიშს ან შეკვეთებს უკავშირდება.

6. Cookie-ები

უმეტესი ვებსაიტების მსგავსად, ჩვენც ვიყენებთ Cookie-ებს ჩვენს საიტებზე მათი ფუნქციონირებისა და გაუმჯობესებისთვის (მათ შორის, თქვენი პრეფერენციების დასამახსოვრებლად) და სერვისების გამოყენების ანალიზისთვის. ჩვენ შესაძლოა დავუშვათ, რომ მომსახურების პროვაიდერებმაც გამოიყენონ Cookie-ები ჩვენს საიტებზე იმავე მიზნებისთვის.

უმეტესი ბრაუზერი ავტომატურად იღებს Cookie-ებს; შეგიძლიათ დააკონფიგურიროთ ბრაუზერი მათი წაშლის ან უარყოფისთვის. Cookie-ების დაბლოკვამ შესაძლოა გავლენა იქონიოს სერვისების ზოგიერთი ნაწილის ფუნქციონირებაზე.

7. როგორ ვამჟღავნებთ პერსონალურ მონაცემებს

ჩვენ შესაძლოა თქვენი პერსონალური მონაცემები გავამჟღავნოთ:

მომსახურების პროვაიდერებთან, რომლებიც ჩვენი დავალებით ახორციელებენ მომსახურებას (მაგ. ჰოსტინგი, გადახდის დამუშავება, შეკვეთის შესრულება და მიწოდება, მომხმარებელთა მხარდაჭერა), წერილობითი შეთანხმების საფუძველზე, რომელიც მათ ავალდებულებთ, მონაცემები დაამუშაონ მხოლოდ ჩვენი მითითებით და უზრუნველყონ მათი უსაფრთხოება.
ჩვენს ავტორიზებულ პარტნიორი-რიტეილერებთან, რომელთა მეშვეობითაც იყიდება ჩვენი პროდუქტები. პარტნიორი-რიტეილერის მეშვეობით განხორციელებულ შესყიდვებზე მოქმედებს შესაბამისი რიტეილერის საკუთარი კონფიდენციალურობის პოლიტიკა.
მესამე პირებთან, რომელთა მითითებასაც თავად აკეთებთ, ან რომელთა მიმართაც გამჟღავნებაზე თანხმობას განაცხადებთ (მაგალითად, პროდუქტის მისაწოდებლად).
ხელისუფლების ორგანოებთან ან სასამართლოსთან, კანონისმიერი ვალდებულების შესასრულებლად ან სამართლებრივი მოთხოვნის/შესაგებლის დასასაბუთებლად.
უფლებამონაცვლე პირთან, შერწყმის, შესყიდვის ან მსგავსი გარიგების ფარგლებში.

ჩვენ არ ვყიდით თქვენს პერსონალურ მონაცემებს.

8. მონაცემთა საერთაშორისო გადაცემა

ჩვენი ძირითადი მომსახურების პროვაიდერები — გადახდის დამუშავება და მიწოდება — საქართველოში მდებარეობენ. ვებსაიტის ჰოსტინგს ვახორციელებთ საქართველოში დაფუძნებული პარტნიორის მეშვეობით, რომლის ინფრასტრუქტურა ფიზიკურად გერმანიაში მდებარეობს. გერმანია შედის სახელმწიფო აუდიტის სამსახურის მიერ აღიარებულ იმ სახელმწიფოთა ნუსხაში, რომლებშიც უზრუნველყოფილია მონაცემთა დაცვის სათანადო გარანტიები — შესაბამისად, ეს ჰოსტინგის მოწყობა დამატებით გარანტიებს არ საჭიროებს საქართველოს კანონმდებლობის მიხედვით.

ჩვენ ასევე ვიყენებთ Cloudflare, Inc.-ის (აშშ) სერვისს Cloudflare Turnstile, რომელიც ჩვენი საკონტაქტო ფორმის სპამისა და ბოროტად გამოყენებისგან დასაცავად, საეჭვო ბოტების გამოსავლენად გამოიყენება. Turnstile ჩვენი დავალებით ამუშავებს შეზღუდულ ტექნიკურ მონაცემებს (მაგალითად, თქვენს IP მისამართსა და მოწყობილობის/ბრაუზერის მახასიათებლებს). თუ ჩვენ ან ნებისმიერი სხვა მომსახურების პროვაიდერი თქვენს პერსონალურ მონაცემებს საქართველოს ფარგლებს გარეთ ამუშავებს, ჩვენ ამას ვახორციელებთ მხოლოდ საქართველოს კანონმდებლობით აღიარებული საფუძვლით: მიმღები სახელმწიფოს მონაცემთა დაცვის სათანადო დონით, მიმღებთან დადებული სათანადო სახელშეკრულებო გარანტიებით, ან, საჭიროების შემთხვევაში, თქვენი ინფორმირებული თანხმობით.

9. მომხმარებლის მიერ განთავსებული კონტენტი

სერვისები შესაძლოა საშუალებას გაძლევდეთ, განათავსოთ პროდუქტის შეფასებები და სხვა კონტენტი. თუ სერვისების საჯარო არეალში კონტენტს განათავსებთ, ეს კონტენტი საჯარო და ყველასთვის ხელმისაწვდომი გახდება. თქვენ შეგიძლიათ ნებისმიერ დროს წაშალოთ თქვენ მიერ განთავსებული კონტენტი — ჩემი ანგარიშის (My Account) საშუალებით, სადაც ეს ხელმისაწვდომია, ან ჩვენთვის მიმართვით, ქვემოთ მითითებულ საკონტაქტო მონაცემებზე. ჩვენ პასუხს არ ვაგებთ იმაზე, თუ როგორ იყენებენ სხვები თქვენ მიერ საჯაროდ გაზიარებულ კონტენტს.

10. მესამე მხარის ვებსაიტები და ბმულები

ჩვენს საიტებზე შესაძლოა განთავსებული იყოს ბმულები მესამე პირების მიერ ოპერირებულ ვებსაიტებზე ან პლატფორმებზე. ჩვენ არ ვაკონტროლებთ და პასუხს არ ვაგებთ ამგვარი მესამე პირის საიტების კონფიდენციალურობის ან უსაფრთხოების პრაქტიკაზე თუ შინაარსზე.

11. არასრულწლოვნების მონაცემები

სერვისები არ არის განკუთვნილი 16 წლამდე ასაკის ბავშვებისთვის და ჩვენ შეგნებულად არ ვაგროვებთ 16 წლამდე ასაკის ბავშვების პერსონალურ მონაცემებს. საქართველოს კანონმდებლობის შესაბამისად, 16 წლის ან მეტი ასაკის არასრულწლოვანს შეუძლია, თავად განაცხადოს თანხმობა საკუთარი მონაცემების დამუშავებაზე; 16 წლამდე არასრულწლოვნის შემთხვევაში საჭიროა მშობლის ან სხვა კანონიერი წარმომადგენლის თანხმობა. თუ თქვენ ხართ მშობელი ან კანონიერი წარმომადგენელი და მიგაჩნიათ, რომ თქვენმა შვილმა მოგვაწოდა პერსონალური მონაცემები, გთხოვთ, დაგვიკავშირდეთ ქვემოთ მითითებულ საკონტაქტო მონაცემებზე მათი წაშლის მოთხოვნით.

12. თქვენი უფლებები

საქართველოს კანონმდებლობის შესაბამისად, თქვენს პერსონალურ მონაცემებთან დაკავშირებით გაქვთ შემდეგი უფლებები. ეს უფლებები, ზოგადად, უსასყიდლოა და ექვემდებარება კანონით დადგენილ გამონაკლისებს.

ინფორმაციის მიღების უფლება. მოითხოვეთ დადასტურება, მუშავდება თუ არა თქვენს შესახებ მონაცემები, და დამუშავების დეტალები. ჩვენ ვპასუხობთ მოთხოვნიდან 10 სამუშაო დღის განმავლობაში (განსაკუთრებულ შემთხვევებში შესაძლოა გაგრძელდეს არაუმეტეს 10 დამატებითი სამუშაო დღით).
გაცნობისა და ასლის მიღების უფლება. მოითხოვეთ თქვენს შესახებ არსებული მონაცემების ასლი. 10 სამუშაო დღის განმავლობაში. მონაცემებს გაწვდით იმ ფორმით, რომლითაც ისინი ჩვენთან ინახება, ან, მოთხოვნისამებრ, სხვა გავრცელებულ ელექტრონულ ფორმატში (მაგ. PDF ან CSV), თუ ეს ტექნიკურად შესაძლებელია.
გასწორების უფლება. მოითხოვეთ არასწორი ან არასრული მონაცემების გასწორება, განახლება ან შევსება. 10 სამუშაო დღის განმავლობაში.
წაშლის უფლება. მოითხოვეთ თქვენს შესახებ მონაცემთა დამუშავების შეწყვეტა, წაშლა ან განადგურება. 10 სამუშაო დღის განმავლობაში.
დაბლოკვის უფლება. მოითხოვეთ თქვენი მონაცემების დამუშავების დროებით შეჩერება კანონით განსაზღვრულ კონკრეტულ შემთხვევებში — მაგალითად, სანამ სადავოა მონაცემთა სისწორე, ან სანამ მიმდინარეობს თქვენი წაშლის მოთხოვნის განხილვა. 3 სამუშაო დღის განმავლობაში.
გადატანის უფლება. თუ დამუშავება ავტომატურია და ეფუძნება თქვენს თანხმობას ან ჩვენს შორის დადებულ ხელშეკრულებას, მოითხოვეთ თქვენი მონაცემების ასლი სტრუქტურირებული, გავრცელებული და მანქანურად წაკითხვადი ფორმატით, ან მოითხოვეთ მათი გადაცემა სხვა დამუშავებისთვის პასუხისმგებელი პირისთვის, თუ ეს ტექნიკურად შესაძლებელია.
თანხმობის გამოხმობის უფლება. სადაც ჩვენ ვეყრდნობით თქვენს თანხმობას (მაგ. მარკეტინგისთვის), შეგიძლიათ ნებისმიერ დროს, უსასყიდლოდ და მიზეზის მითითების გარეშე გამოიხმოთ იგი — მარკეტინგის შესახებ დეტალებისთვის იხილეთ მე-5 ნაწილი.
გასაჩივრების უფლება. თუ თქვენს მოთხოვნას უარით გიპასუხებთ, აგიხსნით მიზეზს და გასაჩივრების წესს. თქვენ ასევე შეგიძლიათ, პირდაპირ მიმართოთ სახელმწიფო აუდიტის სამსახურს, სასამართლოს ან ზემდგომ ადმინისტრაციულ ორგანოს, ჩვენთვის წინასწარი მიმართვის გარეშე — იხილეთ მე-13 ნაწილი.

ამ უფლებების განსახორციელებლად დაგვიკავშირდით ქვემოთ მითითებულ საკონტაქტო მონაცემებზე. შესაძლოა დაგჭირდეთ ვინაობის დადასტურება. ჩვენ არ დაგისჯით ან არ დაგისაფრთხოებთ ამ უფლებების გამოყენებისთვის.

13. საჩივრები

თუ გაქვთ შეშფოთება იმის თაობაზე, თუ როგორ ვამუშავებთ თქვენს პერსონალურ მონაცემებს, გთხოვთ, ჯერ ჩვენ დაგვიკავშირდეთ ქვემოთ მითითებულ საკონტაქტო მონაცემებზე. თქვენ ასევე გაქვთ უფლება, ნებისმიერ დროს, ჩვენთან წინასწარი მიმართვის გარეშე მიმართოთ სახელმწიფო აუდიტის სამსახურს (www.sao.ge) ან სასამართლოს.

14. თქვენი მონაცემების უსაფრთხოება და შენახვა

ჩვენ ვიღებთ სათანადო ტექნიკურ და ორგანიზაციულ ზომებს თქვენი პერსონალური მონაცემების დასაცავად. მონაცემთა გადაცემის ან შენახვის არცერთი მეთოდი არ არის აბსოლუტურად უსაფრთხო, ამიტომ ვერ გავცემთ გარანტიას სრულყოფილ უსაფრთხოებაზე.

პერსონალურ მონაცემებს ვინახავთ მხოლოდ იმ ვადით, რომელიც აუცილებელია მათი შეგროვების მიზნისთვის — მაგალითად, თქვენი ანგარიშის შესანარჩუნებლად, სერვისების მისაწოდებლად, სამართლებრივი ან საგადასახადო ვალდებულებების შესასრულებლად ან დავების გადასაწყვეტად. კანონით გათვალისწინებულ შემთხვევებში, ინციდენტის აღმოჩენიდან არაუგვიანეს 72 საათისა, ამის შესახებ ვატყობინებთ სახელმწიფო აუდიტის სამსახურს, ხოლო თუ ინციდენტი თქვენს უფლებებს მნიშვნელოვან საფრთხეს უქმნის — დაუყოვნებლივ ვატყობინებთ დაზარალებულ პირებსაც.

საკონტაქტო ინფორმაცია

წინამდებარე კონფიდენციალურობის პოლიტიკასთან დაკავშირებული კითხვების ან ზემოთ აღწერილი უფლებების განსახორციელებლად, გთხოვთ, დაგვიკავშირდეთ:

info@lazysnark.ge

GT Foods LLC სარეგისტრაციო ნომერი: 404781072 საქართველო, თბილისი, კრწანისის რაიონი, ნინო და ილია ნაკაშიძის ქუჩა, N1 (ყოფ. ავლევი), ბინა N3, კორპუსი N3 gtfoods.georgia@gmail.com